Letest Telangana News updates
తెలంగాణపై మరి కొంత సేపటిలో అంతిమ నిర్ణయం ప్రకటన? సోనియా నివాసంలో సీడబ్ల్యూసీ భేటి
July 30, 2013
న్యూ ఢిల్లీ, జూలై 30: తెలంగాణా అంశంపై కాంగ్రెస్ అధిష్ఠానం అంతిమ నిర్ణయం ప్రకటించే క్షణాలు సమీపిస్తుండడంతో ప్రధాని డాక్టర్ మన్‌మోహ న్ సింగ్ నివాసం వద్ద పెద్ద ఎత్తున బందోబస్తు ఏర్పాటు చేశారు. యూపీఏ భాగస్వామ్య పక్షాలతో సమన్వయ కమిటీ సమావేశం దాదాపు గంటసేపు జరిగింది. గతంలో ఎప్పుడూ ప్రధాని ఇంటివద్ద ఇంత పెద్ద ఎత్తున భద్రతా ఏర్పాట్లు చేయలేదు. తెలంగాణాపై ఏం నిర్ణయం తీసుకుంటారోనన్న ఆసక్తితో ప్రధాని ఇంటి సమీపంలో మీడియా ప్రతినిధులు గుమికూడారు.మంగళవారం సాయంత్రం నాలుగు గంటల నుంచే ప్రధాని ఇంటిముందు జాతీయ, అంతర్జాతీయ స్థాయి మీడియా ప్రతినిధుల హడావుడి ప్రారంభమైంది. యూపీఏ సమన్వయ కమిటీ సమావేశం ముగిసిన అనంతరం యుపీఏ అధ్యక్షురాలు సోనియా గాంధి నివాసంలో సీడబ్ల్యూసీ సమావేశం ప్రారంభమైంది. యూపీఏ సమన్వయ కమిటీలో ఇద్దరు తెలంగాణా ఏర్పాటుకు అనుకూలంగా, ఇద్దరు వ్యతిరేకంగా మాట్లాడినట్టు సమాచారం అందుతున్నది.
ఐఎన్‌టీయుసి సీనియర్ నాయకుడు సంజీవరెడ్డి ఒక్కరే సీడబ్ల్యూసీలో సభ్యుడుగా ఉన్నారు. ఆంధ్ర ప్రదేశ్ రాష్ట్రం మొత్తానికి ఆయన ఒక్కరే సభ్యుడు. గతంలో కావూరి కూడా ఇందులో సభ్యుడిగా ఉండేవారు. మంత్రి పదవి వచ్చిన అనంత రం ఆయన సీడబ్ల్యూసీ సభ్యత్వాన్ని వదులుకున్నారు. సీడబ్ల్యూసీలో మొత్తం 22 మంది సభ్యులు ఉంటారు. ఈ సమావేశం సుమారు గంట, గంటన్నరపాటు జరగవచ్చునని భావిస్తున్నారు. ఆ తర్వాత ఏడు గంటల ప్రాంతంలో సీడబ్ల్యూసీ సమావేశంలో వెల్లడైన అభిప్రాయాలపైనా, తీర్మానం గురించీ అధికారికంగా మీడియా సమావేశంలో ప్రకటించే అవకాశం ఉంది.
Disclaimer : http://indianpress365days.blogspot.in/ is not responsible for any inadvertent error that may have crept in the News being published on NET. The News published on net are for the immediate information to the visitors. This does not constitute to be a legal document. While all efforts have been made to make the information available on this website as authentic as possible, Indianpress365days or any staff persons will not be responsible for any loss to persons caused by any shortcoming, defect or inaccuracy in the information available on website.
No comments:
Post a Comment